|
Verschiedene: Codex diplomaticus Anhaltinus/Band 4 |
|
|
1376. December 13. Abt und Capitel des Klosters Ilsenburg vertauschen dem Kloster Kölbigk Einkünfte zu Bullenstedt gegen sechs Morgen Landes zu Aderstedt.
Wy her Annes von der ghenade Goddes abbit unde dat capittel ghemeyne des heiligen ghodeshuses tue Ylzenborch bekennen in dissme oppene brive vor alle den, dy ym syn, horen yder lesen, dat wy eyndrechtliken unde myd ghuden willen unde myd vorbedachten müde hebbn utghewesselet unde redeliken ghewesselet myd deme gho- deshuse tue Kolbeke twintich krosghen ierlikes tynses, dy wy hebben gehad in velde unde in dorpe tue Bullenstede von eyme hove unde von dren veyrndel landes, dat Hans Schek von uns het tue lene ghehad, wy ghenczliken vortyen unde uplaten hebben deme vorgenanten ghodeshuse tue Kolbeke myd al deme rechte, alse wy it vore in lene unde in weren hebben ghehad. Unde vor dy ergenanten twintich kroschen hebben uns dy erbarn her Gregorius provist unde dat ghemeyne capittel tue Kolbeke gheghe- ven unde wedder upghelaten ses morgen landes in deme velde unde vor deme dorpe tue Aderstede myd alleme rechte, alse sy dy vore hebben ghehad, unde dartue so hebben sy uns ghegeven eyne Brandeburgsche mark, der wy myd vruntschafft von ym wol betalet synt. Dat disse wesselunge von uns vorgenanten her Annen abbyt unde capit- tel gemeyne des closteris tue Ylsenburch unde von unsen nachkomelingen stede unde gantz werde ghehalden ane allerleye argelist, inval unde weddersprake, so hebbe wy dissen briff besegelet laten myd unsen anghehangeden ingesegelen der abbedye unde des ghemeynen capitteles. Thuge disser dinge synt: dy erbarn lüde her Loduwich perrer tue Osverdesleve, her Curd Smalenbrink, her Hermen Smed perrer tue Ghusteyn, unde mer trewer lüde, den men wol geloven mach.
Ghegheven na Goddis gebort dusent iar dryhundert iar in deme sesundeseventichtigen iare, in deme dage der heyligen iungvrowen sente Lucien.
Aus dem Original im Haus- und Staatsarchive su Zerbst: die beiden an Pergamentbändern angehängt gewesenen Siegel sind verschwunden. Auch im Kölbigker Copialbuche daselbst. — Oedr: Jacobs ürkdb. von Ilsenburg 216—217.
1376. Die Aebtissin Adelheid IV von Gernrode und ihr Capitel verkaufen dem Gernröder Stiftsherrn Kurd von Eisleben eine Mark Silbers aus ihren Einkünften zu Wegeleben.
Wie Alheid von der gnade Goddes ebdeschinne, Bertrad provestinne, Gertrud dekunne und Gertrud custerinne und dat gantze capitel to Gernrode bekennen open- bar in desme ieghenwerdigen brive alle den, die on sien, horen eder lesen, dat wie vorkoft hebben hern Cürde von Ysleve, beleinde pristere in unsem godshuse to Gern- rode, eyne mark geldes Brandenbursch silvers ewiliken ut unser gulde to Wegheleve, dy schole wie ome gheven alleiarlikes up sente Mertens dach, diewile dat hie levet,
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 342. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_342.jpg&oldid=- (Version vom 31.7.2018)
