|
Verschiedene: Codex diplomaticus Anhaltinus/Band 4 |
|
|
unde we greve Borchard unde greve Olrik van Reynstein vor uns unde urne erven, unsir iowelk eyn dem andern, in güden truwen stede unde gancz to haldene an aliis geveerde, unde hebben des alle unse inghesegele vor uns unde unse erven ghehenghet laten to dessem brefe. Unde we Johan van Romesleve de eldere des capitels unde gancze capittel to Halberstat ghemeyne bekennen openbare, dat alle desse vorscrevene stukke mit unsir witschop unde vulbord gededingt sint, unde hebben des to eyner be- kantnisse unses capittels inghesegil bi unses ergenanten hern van Halberstat inghesegil ghehenghet laten to dessem breve, de ghegheven is na Gods bort dritteynhundert iar, in deme vifundeseventighesten iare, des sunavendes vor des nigen iares daghe.
Aus dem Copiale des Bischofs Albrecht III von Bdiberstadt im Haus- und Staatsarchive eu Zerbst. — 1. Fehlt im Mspt. — 2. Mspt nur: Freder.
1376. Februar 2. Die Aebtissin Adelheid IV von Gernrode und ihr Capitel verkaufen an den Priester Eberhard Krug 5¼ Mark jährlicher Einkünfte für 52½ Mark, welche letztere an das Gut der Abtei zu Gundersleben gewandt worden sind.
We Alheyd van der gnade Goddes ebdesche, Bertha provestene, Ghertrud dekne unde dat capitel ghemene thu Ghernrode bekennen openbar in dissem ieghenwerdigen brieve, dat we endrechtliken unde med volbort alle der, de darthu horen, verkoft hebben rechte unde redeliken hern Everharde Krüghe prestere enen verding unde vif mark Brandenburgesch silveres vor dreddehalve mark unde veftich Brandeburgesch gheldes, de ghewant sint in unses goddeshuses nûd unde unse gûd thú Ghândersleve vor der stad thu Wegheleve mede ghelost is. Dit vorbenante ghelt schole we unde willen deme vorbenan- ten hern Everharde Krüghe gheven ut deme vorbenanten güde thu Ghundersleve vor der stad thu Wegheleve unde ut al unses goddeshuses gude alle iar op sente Mertins dach, de nü allererst thu komene ist, unde darna up denselben dach alle iar an allerleyge arghelist. Were nd dat dit vorbenante güd unde alle des goddeshuses gud also ghekrenket worde, des God nicht en wille, dat me deme vorbenanten hern Everharde Krüghe sin ghelt darvan nicht gheven ne mochte eder ne wolde, so schole we vorghenante Alheid ebdische unde willen unde we nach uns ebdische were, deme vorbenanten hern Everharde dat vor- benante ghelt gheven ut der abtyge ghûde op den vorbenanten dach an allerieige arghe- list unde vortoch, dewile dat he leved. Wen sin aver to kort wirt, so schal men de vorbenante vif mark gheve ut dem gude thu Ghundersleve vor Wegheleve unde ut al des goddeshuses ghude, wur et de vorbenante her Everhard in unsem stifte, thu festen eder thu iartiden, beschedet. Ok love .we vorghenante ebdische unde dat capittel ghe- mene, dat we willen nach sinem dode Hannen siner maghet gheven der vorbenanten vif marc eyne Brandenbursche marc op sente Mertins dach, dewile dat se leved, unde na erme dode, wur se se thu festen eder thu iartiden in unseme stifte beschedet. Thu eneme orkunde desser vorbescrevenen ding stede und ghantz thu haldene so hebbe we vorghenanten alle unde dat capittel ghemeine dessen ieghenwerdighen brief beseghelt gheven med unsen ingesegelen unde unses capittels anhangenden ingheseghele.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 327. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_327.jpg&oldid=- (Version vom 31.7.2018)
