|
Verschiedene: Codex diplomaticus Anhaltinus/Band 4 |
|
|
oppin slod sien tu allen unsen nodin uppe allirmanniken, und unse oheme schal unses likes unde rechtis yegin eynen ysliken weldich sien. Were ok wy, die wedder lik unde recht mid uns krigin wolde, so schal unse oheme mid syner macht upp unse koste unde upp sienen schaden uns von dem huse tu Lyndow helpin, dat wy by rechte bliven, äff we des von eme begheren. Vorlore wy ok in unsem krige dat vorbenomede hus tu Lyndow, des God nicht en geve, so schölle wy darnach binnen eynir mand unsem ohe- men adir sienen erven eyn andir slod in unser herschap tu pande laten, dat eme sta vor sien gelt so langhe, wand wy eme dat mogin weddergeven, alz vor geredet is. Ok so schal unse oheme von Anhalt unses hern des marcgrefen von Brandenborg viand von dem huse tu Lyndow nicht werden edder der, dar wy likes unde rechtis mogin over weldich sien. Were ok yemand, dy unsen ohemen an dem huse tu Lyndow edder an dem gude, dat dartu behoret, wedder lik unde recht hinderen adir erren wolde, so schal he siener frund genieten, dat he sik unrechtis irwere, unde dar schölle wy eme tu behulpen sien upp siene kost unde upp unsen schadin, äff he des von uns begeret. Were ok dat unse oheme in synem krige dat slod tu Lyndow vorlore edder von vor- sumenisse wegin, wo dat were, eme affgewünnen worde, des God nicht en wille, so schal he adir siene erven sik nymmer berichten, sönen adir friden mid dengennen, die eme dat slod affgewünnen bedden, so langhe wand he uns dat slod vore on wedderschicke. Konde aver he adir siene erven uns unde unsen erven dat vorbenomede hus tu Lyndow von ym nicht wedderscheppen, so schal he uns adir unsen erven darna binnen vier weken, wonne he des von uns imiauet wird, in syner herschapp eyn andir slod so gud tu pande laten, als dat hus tu Lyndow mid dem lande is. Unde dar schal he syne pennighe ane behalden, als an dem huse tu Lyndow. Gheve wy ome aver siene pen- nighe wedder, so schal dat slod, dat he uns in siener herschopp gelaten hed, unse unde unsen erven bliven, wand dat he edder siene erven uns dat hus tu Lyndow wedder- schicket. Dit vorbenomede hus tu Lyndow schal ok unse oheme duen eynem erbara manne, die land unde lüde by rechte late unde dy dat hus unsem ohemen tu eynem pande upp siene koste halde unde uns tu eynem erve tu trower hand' beware. Were ok dat dy storve, dy dat hus innehefft edder dat yn unse2 oheme avesette, so schal unse oheme von Staden an dat hus duen eynem anderen erbarn manne, unde weme unse oheme dat hus in der settinghe deyt, dy schal uns loven unde vorbrieven, dat he uns unde unsen erven sundir allirleye argelist unde vprtoch dat hus tu Lyndow wedder- antworde, wenne wy unsem ohemen sien vorbenante gelt in der stad tu Cerwizst bereden unde betalen, unde die dat hus uns an beydir siit mid allen trowen beware. Wy wisen ok unse bórchseten manne, borgere unde buere des huses unde des landes tu Lyndow tu eynem pande an unsen ohemen von Anhalt unde schollen yme troweliken behulpen sien an der börchwere unde tu anderen nodin des landis tu Lyndow, wanne he des von yn begeret. Unse oheme schall ok dy börchseten manne, borghere unde buere mid yrem gude dessilven gudis unde landis tu Lyndow yris rechtin vordedinghen glik sines silvens mannen unde gude unde schal sie by allem rechte und by gudir wonheyd laten, dar sy vor by geweset sien. Ok alle manne, gud, liffgedinghe unde angevelle, dat los unde unvorlegin is und noch los werden mach binnen disser settinghe des huses, dat schal by dem huse bli- ven unde schal mid dem huse an uns unde an unse erven wedderkomen, wonne wy dat hus von unsen ohemen wedderlosen. Ok schal unse oheme edder siene erven neyne koste noch schaden slan upp dat hus tu Lyndow. Wes he aver an dem huse vorbuwet nach un-
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 268. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_268.jpg&oldid=- (Version vom 31.7.2018)
