|
Verschiedene: Codex diplomaticus Anhaltinus/Band 4 |
|
|
1369. October 3. Bischof Albrecht III von Halberstadt bestätigt eine Schenkung Siegfrieds von Hoim an das Marienkloster auf dem Münzenberge vor Quedlinburg zum Gedächtniss des im Hildesheimer Kriege gebliebenen Heinrich von Hoim.
In nomine sancte et individue trinitatis amen. Albertus Dei et apostolice sedis gracia Halberstadensis ecclesie episcopus omnibus in perpetuum. — Noverint igitur omnes et singuli, — — quod noster fidelis ac strennuus miles Siffridus de Hoym de voluntate et consensu patruum1 suorum Betmanni,. Siffridi, Frederici et Hinrici, filiorum Hinrici de Hoym, patrui ipsius Siffridi, pie intendens facere quandam ordinacionem per- petuam pro salute ac remedio anime predicti Hinrici de Hoym, patris predictorum Betmanni, Siffridi, Frederici et Hinrici, ut memoria ipsius Hinrici suorumque progeni- torum singulis annis in ecclesia sancte Marie Moncingheberch prope Quedelingeburch, nostre dyocesis, a sanctimonialibus inibi Christo famulantibus et ab ipsorum1 capellanis in vigiliis et missis perpetuis temporibus in crastino sancti Egidii sollempniter peragatur, nobis humiliter et devote supplicavit, quatenus tria quartalia unius mansi terre arabilis in campis ville Wyby situatis,---quas a nobis nostrisque predecessoribus, Hal- berstadensis ecclesie episcopis, titulo pheodi tenuit et noscitur tenuisse, ad consolationem predicte ordinacionis ecclesie sancte Marie Moncingheberch preassecte donare ac trans- ferre cum proprietate dignaremur. Nos vero, intuitu magne strennuitatis ipsius Hinrici defuncti, qui fideliter dimicans pro bono ac honore nostro nostreque ecclesie in bello prope Hildensem suum diem heu clausit extremum, piam eciam intencionem Siffridi de Hoym militis prenotati cum iusto desiderio adjuvantes, dicta tria quartalia nobis ab ipso Siffrido ac a suis patruis preassertis prius liberaliter resignatis de maturo et expresso consensu Lodowici de Honsteyn senioris et capituli nostri ecclesie Halberstadensis di- lectis nobis in Christo . . abbatisse totique conventui ecclesie sancte Marie Moncingeberch nomine ipsius ecclesie recipientibus donavimus ac per presentes donamus cum proprietate et pertinenciis ipsorum ab omni onere liberos penitus et solutos---transferimus per presentes, videlicet ut, quod ipse Siffridus de Hoym miles memoratus de ipsis tribus quartalibus et fructibus inde provenientibus pro remedio sepedicti Hinrici suorumque progenitorum memoria in ecclesia sancte Marie Moncingeberch salubriter duxerit ordi- nandum, perpetuis temporibus perseveret---.
Actum et datum anno Domini millesimo trecentesimo sexagesimo nono, feria quarta in communi septimana, in capitulo nostro generali.
Aus dem Original im Staatsarchive zu Magdeburg, mit den an Pergamentbändern anhän- genden Siegeln des Bischofs Albrecht und des Halberstädter Domcapitels. — Vollständig gedr: Erath cod. dipl. Quedl. 528—529. — 1. So im Orig.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 259. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_259.jpg&oldid=- (Version vom 31.7.2018)
