|
Verschiedene: Codex diplomaticus Anhaltinus/Band 4 |
|
|
1368. August 15. Auf dem Oberhause zu Hadmersleben. Gese, die Wittwe Jordans von Aisleben, und ihre Söhne Fritze und Jordan verkaufen der Aebtissin Adelheid III von Gernrode und dem dortigen Capitel ihre sämmtlichen Einkünfte (Gülten) zu Gross-Alsleben.
In Goddes namen amen. Witlik unde openbar si alle den, die dissen ieghenwer- dighen bryf sien unde horen lesen, dat ik Gese wedewe des vromen knechtes Jordens van Alsleve, dem God genedich si, met gantzer vulbort unde met güden willen miner sone Fritzen unde Jordens unde alle unser rechten erven unde met vulbort alle der, dy dartü behoret, hebben vorcoft unde gelaten der erbaren vrouwen unser vrouwen Alheyden ebdischen, vrouwen Berthen provestinne, Gesen deckinne unde der gantzen samnighe des capitels, vrouwen unde heren, des stichtes tü Gherenrod gülde, dy wy hebben hat ut oren vrien Vorwerke tü Groten Alsleve an körne, an gelde, an pennighen, an honren unde an egeren, und an wo welker wis dy gülde si, vor drittehalve marc unde veftich marc Brandenburges silveres, dy uns wol betalet sin in der stad tü Halber- stad an wichte unde witte. An disser vorbenanten gülde vortighe wy Fritze unde Jordan vorbenümde brodere van Alsleve' unde unse müder met uns unde alle unse rechte erven ane allerleyghe argelist, were, frucht unde besettinghe unde alle des rechtes, dat wy unde al unse rechte erven hebben moghen oder hebben mochten an disser vorbenanten gülde in tükomenden tiden. Disse vorbenanten gülde late wy up vorbenümde brodere Fritze unde Jordan unde unse müder met uns unser vorbenanten vrouwen van Gherenrod unde orme goddeshus met munde unde met henden, met alle deme rechte, alse wy sy gehat hebben wente hertü, also dat wy sy nicht mer eyschen scolen noch imant van unser weghen, unde loven unde reden in truwen, dat wy si bewaren willen vor allerleyghe ansprake unde hindernisse, dy on van unser weghen weddervaren mochte an derselven gülde. Disses copes unde uplatendes unde vortighens der vorbenanten gülde unde alle der deding sint tüghe: dy erbaren riddere her Mey- neke van Scerstede overste hovetman des stichtes tü Magdeburch unde her Anno2 van Heymborch, Hennig van Zimmenstede unde Olric van Krendorp knechte; her Herman perrer tü Gherenrod, her Dideric perrer tu Waldal, her Peter perrer tu Groten Als- leve, her Hans canonic" tü Gherenrod, unde ander gude lüde genüch. Tü ener groter vestnisse unde betüchunghe alle disser vorbescreven ding gantz unde stede tü haldene ane allerleyge argelist hebbe wy dissen iegenwerdighen bryf besegelet gheven met unsen anhengenden iggesegelen, Fritze unde Jordan brodere hirvor benumet, des ok gebrüket Gese unse müder an disme iegenwerdigen bryve, met her Meyneken igge- segele van Scerstede unde her Anno van Heymborch hirvor bendmet, unde met Hen-, niges iggesegele van Zimmerstede unde Olrikes van Krendorp ok hirvor genant. Gescien unde gededinget unde geven up dem oversten hus tu Hadmersleve, nach Goddes gebort dritteynhundert iar in deme achteundesestichsten iare, an sinthe Ar- nulfus daghe des hiligen bichteres.
Aus dem Original im Haus- und Staatsarchive su Zerbst: von den Siegeln hängen noch an: a) dasjenige Fritzens, b) seines Bruders Jordan von Alsleben (Schild mit drei su
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 246. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_246.jpg&oldid=- (Version vom 31.7.2018)
