|
Verschiedene: Codex diplomaticus Anhaltinus/Band 4 |
|
|
1363. März 14. Wolmirstedt Erzbischof Dietrich von Magdeburg und Fürst Waldemar I von Anhalt schliessen ein Schutz- und Trutzbündniss.
Wyr Dytherich von Gots gnaden und des stüles ze Rome ertzbisschof des heiligen godshuses zü Magdeburg, Woldemar von denselben Gots gnaden forste zü Anhalt und graff zü Asschanien bekennen offenlich in dissim brive, daz wir dorch sunderlicher frunt- schaft, truwe und liebe willen, die wir zü enander traghen, und och dorch bezzere be- schermunge, befredunge und bewarunge unser beider lande, lute und gutere, die mit oren grenitzen und ghemerken zu enander treten und stozzen, uns under enander und zesaroene mit rechter wissen und wolbedachtem mute vorbunden haben und vorbynden kegenwertichlich also, daz unser eyn dem ander all sine lebetage getruwelich und ernst- lich raten und behulphen sien sal, sien recht zü beschermene, sine lant, lute und gutere, welcherleige und wy die genant sien, zü befredene und zu beschutzene und ouch zu alle andern sache glicherwis, als ab sie sien eyghen weren, mit gantzer macht oder darnach, als yz notarft ist und her von dem andern gemanet wirdet, wenne und wy dicke des not ist, bynnen viertzen taghen, so her irst mag, an allez geverde weder aller- menlichen, uzgenomen daz heilige Romische riche, den konyng ze Behemen und sine erben, die markgraven ze Brandenburg und von Myssne. Und unser eyn sal ouch des andern rechtis gewaldik und volmechtig sien in allen Sachen an wederrede und an allis hindemisse. Were ouch oder wurden tzwuschen uns enyghe schelunge, tzwidracht oder stozze vortmer, darzû sole wir yo unsir eyn siner frunde oder manne tzwene senden in die stat Calve: doselbens solen uns beidersiet die viere bynnen dren wochen, so sie irste mogen, mit mynne oder rechte scheiden, und wy wir von on dennen erscheiden werden, daz sole wir an beide siten gevolgik sien und an wederrede stete halden. Alle disse vorgescrebin vorbüntnisse, artikel und stucke haben wir unser eyn dem andern gelobit und geloben in guten truwen an eydes stat stete, vaste und unvorbrucblich ze haldene ane allerleige argelist mit orkunde disses brives vorsegilt mit unser beider in- gesegilen.
Geben zü Wolmerstede, nach Cristus gebort dritzenhundirt und darnach in dem dry- undsechtzigisten iare, des neesten dinstages vor Judica.
Aus dem Original im Haus- und Staatsarchive tu Zerbst, mit den an Pergamentbândem hängenden Siegeln des Ersbischofs und des Fürsten Waldemar (UI. Taf. II. 6).
1363. März 22. Magdeburg. Die Aebtissin Adelheid III von Gernrode und das dortige Capitel verkaufen dem Erzbischofe Dietrich von Magdeburg für 100 Mark ihren Antheil an dem Schlosse Neu-Gatersleben an der Bode.
Nos Alheydis Dei gratia abbatissa, Hildegardis preposita, Bertha decana totumque capitulum secularis ecclesie Gherenrodensis ad perpetuam rei memoriam not um facimus
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 194. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_194.jpg&oldid=- (Version vom 31.7.2018)
