|
Verschiedene: Codex diplomaticus Anhaltinus/Band 4 |
|
|
1361. April 4. Die Fürsten Heinrich IV und Otto III von Anhalt überweisen der Aebtissin Adelheid III von Gernrode als Entgeld für den ihnen durch letztere verliehenen Zehnten zu Frose drei Mark Brandenburgisch jährlich aus ihrem Vogtgelde zu Waldau und Jezere.
Wy Hinric unde Otto brodere van der gnade Goddes vorste tû Anhalt, greven tû Aschanie, heren tu Bernborch, bekennen openbar an disme ieghenwerdighen bryve alle, dy on sien unde horen lesen, dat wy unde unse rechte erven mit güden willen, mit vorbedachten müde, eyndrachtlichen hebben ghegheven unde gheven dry marc geldes Brandenborghisch silveres in unser wissen gülde voghetgeldes up dem velde tû Waldal und up dem velde tû Jezere der erbaren vorstinnen unser vrouwen Alheyd ebdischen des stichtes tu Gherenrode unde orme goddeshuse. Disser vorbenante gülde voghet- geldes scal unse vorbenante vrouwe ebdische tû Gherenrode unde or goddeshus alle- iarlich upnemen vif virdinghe Brandenburgisch silveres up dem velde tü Waldal, dy dar gheven.dy wisen lüde: Pauwel Prederte ene halve marc geldes van ener halven1 höve, Kersten Bogel ene halve marc van ener höve, Crantz enen virdingh geldes van ener halven höve, unde seven virdingh gheldes Brandenburgisch silveres up dem velde tü Jezere, dy dar gheven dy wisen lüde: Jan Bigere enen virdingh geldes van ener halven hove, Hans Hornboghe enen virdingh van ener halven hove, up dem velde tü Molendorp Heyne Mens enen virdingh van ener halven höve, Glories enen virding van ener halven hove, Clawes Bodeker enen virding van ener halven hove, Hans Slobeke sevedehalf lot van ener hove, Gunther virdehalf lot van ener halven hove. Disse vor- benanten gülde hebbe wy vorbenante vorsten Hinric unde Otto ghegheven unsir vor- benanten vrouwe der ebdische tü Gherenrode unde irme goddeshus tu ener wedder- stadinghe des tegeden up dem velde tü Yrose, dar sy uns mede belenet het tu eme rechten lene. Ok bekennen wy vorbenante vorsten tu Anhalt, dat wy disse vorbenanten gülde voregenen unde vrien unser vorbenanten vrouwen unde orme goddeshus tü Ghe- renrode also, dat wy noch unse amptlüde noch nymant van unser weghene eneghe ghewalt noch ghebiet daran scole hebben. Ok bekenne wy vorbenante vorsten tü Anhalt Hinric unde Otto unde unse recte erven, dat wy scolen unde willen der vorbe- nanten gülde egenes unde vriheyt rechte ghewere sin unser vorbenanten vrouwen van Gherenrode unde ires goddeshuses, wor unde wenne si is bedorven. Yortmer scal man weten, of an disme bryve icht were, dar man disse gave mede varen mochte, oder enich stücke, dat hir an disme ieghenwerdighen bryve benant si oder unbenant, dar wy oder unse rechte erven eneghe redelike anspräche hebben mochten, dat uns tü vromen komen mochte unde orme goddeshuse tü Ghernrode tü scaden, des vortighe wy gentz- lichen mit güden willen. Tüghe disser dinghe sint: dy hochgheborne vorste hertogh Rudolf van Sassen; her Rabil, her Bernd van Zprone, her Grise riddere, unde andere güder trüwer lüde ghenuch. Tü ener groteren betüchnisse unde gantzer wissenheyt disser dinghe gantz unde stede tü haldene hebbe wy erghenante vorsten tü Anhalt Hinric unde Otto dissen ieghenwerdighen bryf besegelet gheven mit unsen anhangenden igghesegelen.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 171. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_171.jpg&oldid=- (Version vom 31.7.2018)
