|
Verschiedene: Codex diplomaticus Anhaltinus/Band 4 |
|
|
an ener hove uppe deme velde to Groten Wedderstidde, der Hans Ghogreve unde Bosse sin broder ene halve van uns to lene hebben und Konen sone Ghogreven ok van uns half to lene heft.---
Düsse bref is ghegheven na Goddes bort dritteynhundert iar in deme achtenundvefthu- gesten iare, des sondaghes na alle Goddes hilghen daghe.
Vollständig gedr: Erath cod. dipl. Quedl. 503.
1358. November 19. Richard und Godeke Giere verkaufen eine Mark jährlichen Zinses aus anderthalb Hufen zu Bebitz an das Kloster Nienburg.
We Richard unde Godeke vedderen geheten Gyre bekennen openbar in dissem breve, dat we hebben vorkoft redelken unde rechtliken mit unser erven willen ene mark geldes Brandeborgesches sulvers up anderhalver hove to Bobitz up dem velde, de de Bere werket, ..." dem abde, priore unde convente gemeyne to Nyenborch alle iar to beredene an allerleye hindernisse unde broke vor negen mark Brandeborgesces sulvers, de uns wol betalet sin unde we gekeret hebben an unse nut. Wer aver dat de anderhalve hove woste worde, so scholde we eder unse rechte erven dem abde, priore unde dem convente gemeyne to Nyenborch ene andere mark geldes bewisen, wur se de koren in unsem besten gode. Wordet da woste, so scholde we anderswor bewisen, wur se et alaver koren, eder scholden en den brok ervullen also dicke, als et von uns eder von unsen erven eschen, mit alsusdaneme underschede: wan we eder unse erven mochten de mark geldes wederkopen umme negen mark, des schalme uns ipit willen gunnen. Dat disse vorgeschrevene rede gans unde stede gehalden werde, dat love we unde her Conrat Quest mit uns mit samender hant bi goden truwen dem vorgenanten abde, priore und dem convente gemeyne to Nyenborch, unde hebben unser drier ingesegel to ener rechten betüginge laten gehenget an dissem bref. Wen aver unser drier en afginge, so schulte we anderen twene enen also goden borgen in de stede setten binnen ver weken darna, wen we erst gemanet werden. Tûge disser he- sere ven rede sin: her Philippus von Duderstad unde her Johannes Brûslitz prestere, her Hintze Grize unde her Hans von Nyenborch riddere unde ok Heyne von Allenborch en knape.
Disse brief is gegeven na Godes bort dusent iar drehundert unde achteundevoftich, in sente Elzebeten dage der heiligen vrouwen.
Aus dem Original im Baus- und Staatsarchive zu Zerbst: an Pergamentbändern hängen die Siegel: a) Godehes Giere (Schild mit einer dreieckigen Figur, Belm darüber mit offenem Fluge; von der Umschrift ist nur noch zu lesen . . . KE.....); b) Konrads Quast (Stechhelm mit zwei Quasten als Belmschmuck; Umschrift: 8 . CONRADI. QVEST . MILITIS.) — 1. Im Orig. nur Punkte.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 140. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_140.jpg&oldid=- (Version vom 31.7.2018)
