|
Verschiedene: Codex diplomaticus Anhaltinus/Band 4 |
|
|
1357. Mai 1. Aken. Herzog Rudolf II von Sachsen verzichtet gegen den Gernröder Antheil an dem Hause Neu-Gatersleben sowie gegen Belehnung mit Haus und Stadt Egeln auf die Dörfer Frose und Nachterstedt zu Gunsten der Aebtissin Adelheid III von Gernrode.
In dem namen Gotes unde der heilighen drivaldicheit amen. Wir Rudolff van Gots gnaden in Sachsen, czu Westfalen, czu Angeren hertzoge, grafe czu Bren unde des heiligen Romischen richs ubrister marschalk bekennen offenlich mit dissem kegen- werdighen brive vor uns, unsern bruder hertzogen Wentzlaw, hertzogen Albrecht unsern vetteren, ouch vor alle unseren erben und nachkomen, vor allen den, dy en sehen eddir horen lesen, daz wir haben vertzigen und vollichlichen uffgelazzen der hochge- borin furstinnen vrowen Alheiden ebtischen tzu Gerenrode, unser gnedighen vrouwen, unde irem gotshuse alle lehen, tzende unde rechte der dorffere Vrose unde Nachter- stete in aller mazze unde wis, als vormals unser eidern seligher gedechtnisse und wir in disser kegenwerdighen zyt dyselben dorfere van unser genanten vrowen unde van irem gotshuse gehabt unde besezzen haben, unde wollen des ir unde ires goteshuses rechte gewere syn in allen steten, wur sy des bedorfen. Disse vortzicht unde lazunge is gesehen dorch Wechsel unde widerstadung der lehn des teyles unser genanten vrowen und ires gotshuses an dem huse to Nuwen-Gatersleve unde ouch dorch daz recht, dat se darane hatten, ouch unde dorch dy lehen ober daz hus unde stad czu Eghelen, daz hern Otten van Hadmersleve, unsers swagers, ist, mit den uns unde1 unse erben unser vorgeschrebene vrouwe unde ir gotishus begnadet haben unde belehnet1. Des synt getzuge: her Hans van Hadmersleve unser lieber swager, Gero von Byer, Andreas van Globker, Hans Loser, Herman Jeratz, Bernd van Sprone rittere, her Heyn- rich unser schriber. Mit orkûnd, daz wir alle disse vorgeschriben stucke unde teding unverruckt8 halden wollen, so haben wir dissen briff gevestent mit unserem fürstlichem ingesegele. Ouch gelouben wir, wan unser bruder hertzogen Wentzel eyn eighen insigel gewynnet, daz er is ouch sal henghen an dissen briff, der geben ist zu Aken, nach Gots gebord dritzenhundirt in dem sibenundefunftzigisten iare, an dem tage senth Phi- lippi unde Jacobi.
Transeumpt einer Urkunde des Domcapitels zu Magdeburg d. d. Magdeburg 1488 Januar 17 im dortigen Staatearchive. Gedr: Schöttgen et Kreysig dipl. et scriptor. III. 423. — 1. Fehlt im Mspt. — 2. Vergl. no. 171, 199, 274 und 294. — 3. Mspt: unde verrückt.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 114. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_114.jpg&oldid=- (Version vom 31.7.2018)
