|
Verschiedene: Codex diplomaticus Anhaltinus/Band 4 |
|
|
dar weder in. Vortmer so nam Koppe, Beder und Bulowe und twei, di di Notitken heten, user ohemen dienere van Anhalt, achteundtwintich perde vor Parsowe vor den wekeren und vûrden di tu der Kannenborch. Vortmer so nam Smûgh, Eggherde Dunker, Ronstede und Grunowe achtteyn perde tu Hinriks- torph und tu Landyn und deden dat ut Premslawe und reden dar weder in. Vortmer user ohemen hoftlude med oren dienern vorhilden us vor user stat tu Angermûnd und wolden us lyves und güdes untweldiget hebben und nemen us use have, des we nicht wolden geleden hebben umme neyn güd, und user have geven si us eyn deil weder und dy have, di si us noch vorbeholden hebben, dy achte wi also gut alse tweyhundert margk sulvers. Vortmer so hebben se use go- deshüs tu Gramsow dicke und mennichwerve benomen und begastet und nu alder- lest, dune si us use perde nemen vor Angermund. Vortmer so quam Moyncke van Schirstede, user ohemen hoftman, med oren dieneren in use lant tu Stetin und nam in twen dorppen tu Lûkowe und tu Selchowe wat dar waz, und nam von den kerk- hoven wat dar uppe waz, und heft kerken upgestôt und heft lüde dod geslagen up den kerkhoven und heft use arme lüde gefangen ute den dorppern und heft us daran geschadet also gut, also dusent marg sulvers, und heft ok unser borger eynen gefangen van Garden Meyneke. Vortmer so heft Eggherd Dünker genomen tu Wartyn druddehalf schok perde vor den wekeren. Vortmer so heft Hen- ning Busze drie us beschindet und berovet, eynes nam us twei schok perde, tu deme andern male eyn schok perde, tû dem drudden male nam he us ok koye und perde. Alle desse vorgeschreven stücke und schaden de sint us ge- schehen van usen ohemen von Anhalt und van oren dieneren bynnen rechter verlicheit, und wi und use manne und use godeshuser und use stede willen alle dessen schaden und desse stücke bewisen, wo wi van rechte scholen. Hirumme bidde wi di, lyve ohemen Lodewich di Romer margrefe tu Brandenborch, dat die us hirumme mynne oder recht sprekest, und dat wil wi holden, wente wi di des gentzleken wol tû gloven. Tu thuge desses dinges hebbe wi dessen brif med useme secrete besegelt, di gegeven is tû Stetin, nach Gods gebord drit- teynhundert iar in deme viefundveftigesten iare, des donredags na dème sun- dage tu Reminiscere2. Vortmer so hebbe use ohemen van Anhalt us dicke gehindert in den landen, di du us und usen erven tu erve gelaten heft, wenne wi wilige dage med en hadden. — Dit sint di stücke und die schelinge, di uns schelen med usen ohemen von Anhalt seder der sone, de unse ratgeven belovende tû Premzlawe in der vastene8: tu dem irsten male let Meynken von Schirstede nemen bi Angermunde, tu Kerkowe, tu Pynnow beide schaph, swyne und koye und wat dat dar was. Vortmer let he nemen tu Hoghen-Landyn vierteyn perde, tu Stendal achteunddrüttich perde und vor Ztwet ses perde, tu Nedder-Landyn vier perde, tu Hinrikstorph ses perde, tu Berholt acht perde, did dede Frans von Tornowe und Frans von Kerkowe van der Cannenborch und dar weder tu. Vortmer nemen disulven dicke vor Angermunde, van Templin, van der Kannenborch und van Gireswalde und dar weder tu. Vortmer nam Hinrik von Sidowe tu Kosekowe in deme lande tu Stetin achteundvirtich perde bi nachtslapender tit vor den perdenwechter und tu Tzakowe vief perde, dat dede he ut Templin und dar weder in. Vortmer nemen se van Grünen-
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 78. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_078.jpg&oldid=- (Version vom 31.7.2018)
