|
Verschiedene: Codex diplomaticus Anhaltinus/Band 4 |
|
|
venerabilis Joannis Lithomislensis episcopi predicti, cancellarii nostri, anno Domini m.ccc.liiij, indictione septima, x Calend. Aprilis, regnorum nostrorum anno viij.
Vollständig gedr: Balbini miscell. hist. regni Bokern, dec. I. Hb. VI. 57—58; Pessina Phos- phorus 442; Pontanus Bohemia pia (im Auszüge). Vergl. Böhmer regg. Karls IV. no. 1810. — Balbini: 1. episcoporum. — 2. DagobertL — 3. palatmi — 4. Gebhardt. — 5. Yaleriani.
1354. April 14. Der Abt Heinrich von Nienburg und der dortige Klosterconvent kaufen von der Altstadt Bernburg für hundert Mark acht Mark jährlicher Zinse auf einen Wiederkauf.
We Hinrik von der gnade Goddes abbed, Conrad prior, Conrad kemerere, Siverd kelnere unde de covent ghemeyne des goddeshus tho Nyenburgh bekennen openbare in disseme breve unde don witlik alle den, de on sen eder horen lesen, dat we ghekoft hebben achte mark gheldes Brandebürgesch sulveres unde Meyburgsch wichtes eweliken to besitzende unde uptonemende tho den .... radmannen, schulthete, schepen, innigh- mestern unde tho den borghern ghemeyne in der alden stat tho Berneburgh vor ban- den! mark Brandebürgesch sulveres unde Meyburgsch wichtes, de we on ghentzliken unde al betaled hebben. Disse achte mark scholen uns de vorghenanten borghere unde unsen nakomelighen unde unsem covente bereden alleyerliken vere mark tho sinte Micheles daghe unde vere mark up de Paschen, de darna allerneyst to komende sin, ane allerleye hinder unde vortoch, also we bewisen moghen med oren breven. Weren aver sake dat disse vorghenanten borghere wolden achte mark gheldes kopen dorch nutb eder dorch vromen orer stad unde beden uns unde unsen covent, dat we on de vorghenanten achte mark gheldes weder vorkoften dorch God unde orer stad nuth willen, so wolde we vorghenante abbed Hinrik unde unse covent ghemeyne tho Nyenburgh disse vorghenanten borghere dorch gunste unser leven herren von Anhald unde vrunt- scap der borghere med góden willen tuiden unde verbinden uns des unde unse nako- melinghe na uns eweliken, dat we on de vorghenanten achte mark gheldes willen weder vorkopen vor hunderd mark Brandeburgsch sulveres unde Meyburgsch wichtes, de se uns tho Nyenburgh up dem clostere betalen scolen, also we se darvore bered hebben. Disse willekor schal an on stan unde nicht an uns, unde wanne se dat don willen, dat scolen se uns tovorn weten laten eyn half iar: darna up den neysten tyns- dach scolen se uns bereden hunderd mark Brandeburgsch sulveres unde Meyburgsch wichtes unde oren tyns, de sek denne bord. Dat we vorghenante abbed Hinrik unde unse covent tho Nyenburgh den vorghenanten borgheren tho Berneburgh disse vorbe- screvenen rede vullenkomen unde stede eweliken halden willen, des hebbe we unse unde unses coventes ingheseghel henghed laten an dissen bref. Thughe disser rede sin disse erbarn unde vrome lüde: her Thydeman Robyl, her Vredehelm von Plozk, her Hincze Gryse riddere, her Borchard Sapprun unde de voghed Heyne Sapprun sin broder; her Wyprecht de custere, her Eghard spetelre tho Nyeneburgh unde her Phylippus von Du- derstad, unde andere vele vromer lüde.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 51. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_051.jpg&oldid=- (Version vom 31.7.2018)
