|
Verschiedene: Codex diplomaticus Anhaltinus/Band 4 |
|
|
1353. Mai 17. Die Aebtissin Adelheid III von Gernrode und das dortige Capitel verkaufen ihrem Amtmann zu Gross-Alsleben Friedrich Bode von Eisleben eine Hufe Landes und eine Wiese zu Grossen-Alsleben auf Lebenszeit.
In Goddes namen amen. Wy Alheyt van der gnade Goddes ebdische, Lüchart provestinne, Agnes dekinne unde dy gantze sammeninghe des stichtes tû Gherenrode bekennen openbar an disseme ieghenwerdighe bryve, dat wy myt gantzer enunghe unde vulbort unses capitules hebben vorkoft eyne höve unde eyne wysche tû Groten Alsleve up deme velde vor teyn Stendelsche marc hern Fredericke Boden van Ysleve, dy unse ammechtman is tû Groten Alsleve, dy hy hebben scal tû syme lyve syne levedaghe, unde willen des sin were sin unde setten on in eyne rechte were unde vortighen alles rechtes, des wy unde unse sammeninghe hebben moghen an deme vorbenanten gude, sine levedaghe. Na syme dode so scal man ewichliken gheven van derselven höve ene Brandeburchsch mare vrouwen unde heren in unseme stichte alleiarlikes tu ener iartyd hern Frederics, dy hirvor benûmet is, unde vor Hannen siner müder. Tu eme tüghe disser dinghe gantz unde stede tû halden hebbe wy dissen bryf besegelet geghe- ven myt unseme igghesegele unde mit unses capitules igghesegele. Nach Goddes ghebort dusent iar drihundert iar in deme dryundeveftichsten iare, in deme vridaghe in der Pinchstweken.
Aus dem Original im Haus- und Staatsarchive zu Zerbst, mit den an Pergamentbändern anhängenden Siegeln der Aebtissin (Taf. VI. 1) und des Capitels (II. Taf. VII. 2).
1353. Mai 22. Hennig, Gebhard und Klaus Gebrüder von dem Berge verkaufen der Aebtissin von Gernrode anderthalb Hufen Landes daselbst.
Ik Hennigh, Gevehart unde Claus brodere gheheten van dem Berghe bekennen openbar in disseme ieghenwerdighe bryve, dat wy hebben redeliken unde mit endrach- tighen willen vorkoft der achtbaren vrouwen unser vrouwen der ebdischen tû Gheren- rode anderhalve höve up deme velde tu Gherenrod, dy wy van or hebben tu rechteme lene, vor neghen marc Stendals silveres, de uns rede beret sin. Dyt vorbenanthe gut late wy up vorbenanten vrouwen an diseme ieghenwerdighe bryve unde vortighen alles rechtes und alle der anspracke, dy wy unde alle unse erven, dy na uns komende sint, hebben moghen oder mochten. Dyt love wy und lovet myt uns Hintze van Turow gantz unde stede tû haldene. Tu eme tüghe disser dingh hebbe wy dissen bryf bese- gelet gegheven myt unsen igghesegelen, nach Goddes gebort dusent iar dryhundert iar in deme dryundeveftichsten iare, an des hilighen blüdes avende.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 45. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_045.jpg&oldid=- (Version vom 31.7.2018)
