|
Verschiedene: Codex diplomaticus Anhaltinus/Band 4 |
|
|
1351. Februar 10. Die Fürsten Albrecht II und Waldemar I von Anhalt entlassen die Stadt Stendal der ihnen geleisteten Huldigung.
Wir Albrecht unde Woldemar gebrüder von Goths gnaden forsten zu Aschanien unde graven zu Anhalt bekennen uffenbare, daz wir haben gelazen ledich unde los die stad zu Stendal in der Alden Marke und lazen sie los in disme keynwordigen brive alliz globdes, daz sie uns haet getan, iz sy in briven odir an Worten odir in wilcherleye wis iz sy, diewile daz wir sie nicht en losen von dem erwertigen in Gote vatere unsirm heren hern Otten ertzebiscope des heyligen gothshuses zu Magdeborch odir von sinen nakomelingen odir von sinen gothshuse. Des habe wir zu eyn orkunde unse ingesigele an dissen brief lazen ghehenghet. Unde hir sint ubir gewesen: die erbarn lüde her Gerlach von Honvels sankmeister des vorgenanten gothshuses zu Magdeborch, her Gumprecht von Aldenhusen, her Wernher von Anvorde, her Conrad von Eykstede, her Thile von Rokicz, her Bartelt Marsealk ritter, Albrecht von Alvensleve, Henningh von Borstal, Clawes von Bysmark, Conrad Hidde, Gyse Wineken, und vele gutir lüde. Gegeben nach Goths gebort dritzenhundirt iar in dem eynenundefunftigesten iare, an sente Scolastice tage der heyligen iungvrouwen.
Aus dem Original im BaOisarchive zu Stendal gedr: Biedel cod. dipl. Brand. 1.15.188—139.
1351. Februar 10. Die Fürsten Albrecht II und Waldemar I von Anhalt entlassen die Stadt Sandow der ihnen geleisteten Huldigung.
Wir Albrecht unde Woldemar ghebrudere von der gnaden Goths fursten zu Ascha- nien unde graven zu Anhalt bekennen uffenbare, daz wir ledich unde los haben gelazen die stad zu Sandowe in der Alden Marke unde lazen sie los in disme keynwerdigen brieve alliz globdes, daz sie uns haet getan, iz sy an brieven odir an worten odir an wilcherleye wiz iz sy, diewile daz wi sie nicht en losen von dem erwertigen in Gode vatere unsirm hern hern Otten erezebiscope des heyligen gothshuses zu Magdeburch odir von sinen nakomelingen odir von sine gothshuse. Des zu eyn orkunde habe wir unsir groze ingesigele an dissen bref lazen ghehenget. Unde hirubir sint gewesen: die erbarn lüde her Gerlach von Honvels1 sankmeyster des vorgenanten gothshuses zu Magdeborch, her Gumprecht von Aldenhusen, her Wernher von Anvorde, her Conrad von Eykstede, her Thile von Rokitz, her Bartolt Marschalk ritere, Albrecht von Alvens- leven, Henningh von Borstal, Clawes von Bysmark, Conrad Hidde, Gyse Wineken, unde vele guter lüde.
Gegeven nach Goths gebort dritzenhundert iar in dem eynenundefunftigesten iare, an sente Scolastiken daghe der heyligen iungvrouwen.
Aua dem Original im Baihsarchive zu Stendal gedr: Biedel cod. dipl. Brand. 1.17.500—501 und nochmals [nach einer alten Copie) IL 2. 328. — 1. Biedel an erster Stelle: Honnek.
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 5. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_005.jpg&oldid=- (Version vom 31.7.2018)
