Seite:DE CDA 3 611.jpg

	Diverse: Codex diplomaticus Anhaltinus/Band 3

Nygenstat unde Cöpenik, van Stendal, van Tangermünde, van Nygen- unde van Alden- Soldwedele, Sehusen, Werben unde Osterborch, van Perleberch, Pritzwalk, Kyritz, Ha- velberch, Sandow unde Vriensteyn, van^[1] Premzlow, Posewalk, Angermünde, Templyn, Cedenik, Swetz, Livenwalde, Strazeborch unde Vorstenwerder, bekennen unde betügen in dissem opene brive, dat wie met volbort des hochgeloveden fursten marcgreven Wol- demares van Brandenborch, unses liven heren, ghelovet hebben unde loven en truwen den durchluchtigen fursten Albrechte unde Woldemare, fursten van Anhalt, greven tü Asschanien, unde oren rechten erven in sodaner wis, dat wie na des vorghenanten marc- greven Woldemares, unses heren, dode und ok bie sime levende neynen anderen heren scolen noch willen tü uns nemen, he möge bewisen, dat he beter recht dartü hebbe wen die vorgesproken heren van Anhalt. Ghescheget aver dat ein ander here beter recht mochte bewisen tu der marke, denselven schole wie noch en willen tü neyme heren nemen, he en hebbe den vorsprokenen heren van Anhalt unde oren erven irst ore cost unde schaden afghenomen, dy unde den sie na disser tyt von der marke wegen dragen unde nemen, dat sie redeliken mögen bewisen. Were aver dat wie vorbenü- meden stede by den vorghenanten heren van Anhalt bleven unde on hulden unde sie tu heren behilden, so schole wie der cost unde des ghelovedes unde des schaden ledich unde los sin. Ok love wie vorghenante stede en truwen den vorghenumeden heren van Anhalt unde oren erven, dat wie on truweliken Scholen unde willen raden unde helpen tu al oren noden. Tughe sin: der hochgeborne furste hertoge Rudolf van Sassen die iungere, die edelen heren greve Ulric van Lyndowe, greve Albrecht van Barboy, her Ghere van Bigere, her Hans van Livenowe, her Hermane van Redere, her Peter van Bredow, her Hans van Rochow, her Henning vamme Stenvorde, her Gotschalk van Krumstorp, her Gunter van Drosule, her Benedictus van Benz, her Jüries vah Kerkowe, her Henning van Malchow riddere; her Dideric perrer tu Reppyn, her Johannes perrer tu Dessowe, unde ander erbar lüde ghenuch.

Gheven tu Spandowe tu eyme orkunde, na Goddes ghebort dusen iar drihundert iar in deme neghenundevirtichten iare, vorsegelt met unser vorghenanten stede inghesegelen, an deme neysten mandage na Palmen. Were ok dat engher unser vorbenanten stede ingesegel an dissen brif nicht ghehangen were, dat en schal nicht hindern ader schaden an den dedingen, die vorghescreven sin.

Aus dem Original im Haus- und Staatsarchive zu Zerbst: an Pergamentbändern hängen an der linken, rechten und unteren Seite der Urkunde die Siegel der Städte Altstadt- Brandenburg, Neustadt-Brandenburg, Nauen, Rathenow, Görzke, Berlin, Cöln, Spandau, Straussberg, Landsberg, Bernow, Neustadt-Eberswalde, Stendal, Tangermünde, Alt-Salz- wedel, Neu-Salzwedel, Seehausen, Werben, Osterburg, Perleberg, Pritzwalk, Kyritz, Havelberg, Sandow, Prenzlau, Pasewalk, Angermünde, Liebenwalde und Templin, nur einige wenige davon beschädigt. — Gedr: Lünig Reicksarchiv X. part. spec. Forts. II. III. Forts. III. 168; Gercken cod. dipl. Brand. II. 588; BuchhöUt Gesch. d. Churmark V. 81; Klöden Waldemar III. 497—498; Biedel cod. dipl. Brand. II. 2. 244—245. — Vergl. Böhmer regg. Karls IV. Reichssachen no. 87.

1. Orig: vam.

Empfohlene Zitierweise:
Diverse: Codex diplomaticus Anhaltinus/Band 3. Dessau: Emil Barth, 1877, Seite 611. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_611.jpg&oldid=- (Version vom 31.7.2018)