expedit, filiam nostram dilectam amplioris favoris gratia confovemus, ecclesiam parrochialem
ville Osfordesleve, cuius ius patronatus ad predictum monasterium in Ilseneborch
pertinet ac pertinuit ab antiquo, libere donavimus et de ipsa taliter concedimus ordinandum,
quod abbas dicti loci, qui est et qui pro tempore fuerit, unum monachum de gremio
ecclesie sue vel alium clericum ydoneum, cum primo vacaverit vel quandocunque
et quociescumque vacare contigerit, dictam ecclesiam in Osfordesleve, banni in Wederstede,
loci archydyacono presentare debebit, et ipse archydiaconus, curam animarum eidem
conferens, eum per se vel per alium instituet in eadem. Verum si idem abbas rectorem dicte ecclesie quocumque casu mutare voluerit personam aliam predicto archydiacono
presentando, quandocumque et quociescumque hoc per eum factum fuerit, loci
archydiaconus presentato curam animarum eidem conferet et ipsum ad eandem instituet,
ut superius est expressum. Ceterum, ut sepedicti loci archidiaconus in synodalibus suis
nullatenus defraudetur, rector dicte ecclesie unum fertonem Stendalensis argenti eidem
quolibet anno in feste beati Galli sine contradictione qualibet ministrabit, aliis iuribus
omnibus et singulis supradicto archydiacono semper salvis. Ecclesie vero nostre Halberstadensi
pro beneficii accepti gratitudine pro fabrica et structura una marca usualis
argenti a prememorato rectore annis singulis persolvetur. Ut autem hec nostra concessio
et donatio firma permaneat et iugiter inconvulsa, presentes litteras inde confectas
nostri ac capituli nostri necnon archydiaconi antedicti sigillorum appensionibus fecimus
roborari. Huius rei testes sunt: Fredericus decanus, Johannes portenarius, Wernherus
de Scermbeke, Hinricus prepositus sancti Bonifacii, Gevehardus de Werningerode, Volradus
de Hesnum, Hinricus scolasticus, Fredericus de Bodensten, Johannes Gotghemakede,
Bartoldus de Cranichvelt, Wernherus camerarius, Borchardus de Valkensten, Borchardus
de Zeghenberch, Borchardus de Morungen, Johannes thesaurarius, Theodericus
de Vrekenleve, Heydenricus Aries et Albertus de Tundersleve canonici ecclesie nostre,
et alii quam plures clerici et layci fide digni.
Actum et datum Halberstad in generali capitulo nostro, anno Domini mo.ccco.vj, feria tercia ante festum ascensionis Domini.
1306. Juli 14. Stecklenberg. Ueber die Vertheilung der nachgelassenen Güter des Ritters Siegfried von Hoim.
Noverint universi seriem presencium inspecturi, quod post discessum ardui militis Sipheridi de Hoyem felicis memorie a suis dilectis patruis et amicis est statutum, quod ea bona, que eius vidua possidet ex parte eiusdem domini Sipheridi militis iam predicti, cum ipsa viam universe carnis fuerit transfretata, accident strennuis viris militibus domino Bethemanno et domino Ghevehardo et domino Heynekino equaliter sub invicem parciendo. Insuper sciendum, quod Heynemannus de bonis, que sibi primitus attinent, persolvet universa debita domini Sipheridi militis prenotati et meliorabit redditus claustri, quod dicitur Munzingberch, in j marca Stendalensis argenti annuatim. Ipsemet,
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 88. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_088.jpg&oldid=- (Version vom 31.7.2018)