quicquid obsequii seu honoris. Nobilitatem vestram scire volumus litteras per presentes,
quod ad observanda placita, que sunt per illustrem principe, dominum comitem Ottonem de Anehalt placitata inter dominum nostrum patrem reverendum Wolradum episcopum ex parte una et comitem Albertum de Reghensten ex parte altera, fratrem nostrum, si ipsum decedere contingeret de hac luce, prout placitata sunt, et litteris super
hoc confectis sigillorum munimine roboratis volumus observare et ad observationem inviolabiliter obligari. Hoc sigilli nostri robore profitemur.
Datum Halberstat, anno Domini mo.cco.lxxxiijo, in die beate Agnetis virginis et martiris.
1283. Februar 2. Dietrich, Canonicus zu Gernrode, überträgt seine dortige Curie für den Fall seines Todes seinen Brüdern auf Lebenszeit.
In nomine Domini amen. Ego Theodericus canonicus in Gerenrode recognosco presentibus et protestor. quod curiam meam in Gerenrode in presentia illustris ac venerabilis domine Mechtildis abbatisse, Ermengardis preposite, Berte decane totiusque conventus loci eiusdem karissimis in Christo H. et C. clericis, fratribus meis, ut ipsa post mortem meam solutis annis singulis ecclesie in Gerenrode sex solidis censualibus, prout placuerit, utantur, quoad vixerint, ex voluntate bona et dilectione sincera contuli, dummodo aliquibus de causis legitimis, infirmitatis videlicet aut paupertatis, quod Deus avertat, ipsam vendere non compellar. Quam curiam prefati fratres mei, si ad ipsos per mortem meam devoluta fuerit, nec per venditionem nec per viam aliam quamcumque alienabunt ab ecclesia nec aliquod in eadem sibi ius usurpabunt hereditarium, set ad capellam beati Johannis ibidem, cui pro salute anime mee, si non vendidero, iam legavi et legasse me presentibus recognosco, post ipsorum obitum libere et absolute ac in mansura perpetuo revertetur. Huius rei testes sunt: venerabilis dominus Bertoldus abbas de Ringelem, Bertrammus custos, Willekinus capellanus, Theodericus plebanus, Conradus de Bokenem, magister Olricus de Embeke, Arnoldus capellanus, Fredericus de Slanstede, Cunemundus1 miles de Monte, et quam plurimi fide digni. Ad hec in evidens testimonium et ad inviolabilem observantiam predictorum huic scripto sigillum meum apposui ipsumque scriptum illustris domine mee abbatisse ac honorabilium dominarum canonicarum in Gerenrode sigillorum munimine petii communiri. Acta sunt hec anno Domini millesimo cco.lxxxiijo, quarto Nonas Februarii.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 392. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_392.jpg&oldid=- (Version vom 4.2.2020)