Fridericus et Henningus suus filius et ipsorum heredes a me et a fratribus meis
et a nostris predecessoribus possederant titulo feodali, quod ego recognosco per presentem
litteram et protestor. Acta sunt hec Alsleve presentibus et in testimonium evocatis
Heinrico preposito de Hekelinge et domino Richardo dapifero Magdeburgensis curie et
domino Heinrico de Alesleve, quorum sigillis una cum meo sigillo presens pagina est
firmata, insuper domino Wichmanno de Mokrene et domino Ludovico Spygel et Henningo,
et aliis quam pluribus fide dignis.
Datum ibidem, anno Domini mo.cco.lxxiiijo, vjo Idus Aprilis.
1274. Mai 6. Gröningen. Propst und Prior des Klosters Gröningen verleihen den Gebrüdern Bars von Gröningen ihre Mühle bei Hondorf.
Noverint universi Christi fideles presentis temporis et futuri, quod nos Borchardus prepositus et Fridericus prior monasterii in Groninge, Halberstadensis dyocesis, Thiderico et fratri suo de Groninge dictis Bars pro multis obsequiis et adiutoriis, que per se ipsos et cum rebus suis nostro monasterio et nobis sepius impenderunt, nos a multis dispendiis et dampnis, que passi fuimus, absolvendo, molendinum nostrum situm aput Hondorp cum omni utilitate ac iure titulo contulimus pheodali. Nos Arnoldus hospitalarius, Bertoldus de Alta Fago et Conradus de Hornhusen monachi predicti monasterii in Groninge ac totas conventus ibidem continentiam huius pagine recognoscimus esse veram et de nostro consensu plenarie ordinatam. Testes etiam huius facti sunt: Henricus de Gruninge, Nicolaus Storm, Luderus de sancto Johanne civis in Halberstat et Bertrammus villicus ecclesie nostre, laici, et alii quam plures. Et ad maiorem evidentiam huius rei presens scriptum sigillo ecclesie in Groninge exstitit roboratum, ut hominum deficiente memoria scriptum publica testimonium perhibeat veritati. Acta sunt hec apud nos Groninge, anno gratie millesimo cco.lxxiiijo, Johannis ante portam Latinam.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 314. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_314.jpg&oldid=- (Version vom 31.7.2018)