(Um 1187.) Bischof Balderam von Brandenburg über die Freiheiten, Rechte und Besitzungen des Klosters Leitzkau, unter welchen auch Zehnttheile zu Eichholz sowie Güter zu Mühlingen.
In nomine sancte et individue trinitatis ego Balderamus Dei gratia Brandenburgensis ecclesie episcopus. Ordinatione divina venerabiles et Deo digni predecessores nostri Wiggerus, Wilmarus et Sifridus Brandeburgensis ecclesie episcopi sanctam congregationem religiosorum fratrum sub regula beati Augustini et institutione reverentissimi domini Norberti Magdeburgensis archiepiscopi in monte beate Marie in Lizeke ad servitium Dei adunatam tempore nostre mortalitatis * per nos in via Dei dirigendam nobis quasi hereditaria successione reliquerunt. Nos itaque eorum devotioni pro parvitate nostra Domino annuente subservientes prefate congregationi omnimodum affectum nostrum inclinavimus, ut interna quiete Deo vacent, exteriorem inquietudinem ab eis, quantum in nobis est, amovere dignum duximus. Inde est quod predia et possessiones, quas predecessores nostri aliique quilibet fideles ecclesie beate Marie in monte Lizeke divine remunerationis obtentu contulerunt, auctoritate Dei confirmamus, locum videlicet ipsum, in quo claustrum situm est, cum silva contigua, ecclesiam in villa Liezeke cum omnibus suis appenditiis, censum fori ac ville veteris omnemque decimationem in eisdem locis degentium, tam de bonis domini Gerberti quam ceterorum et tam de vineis quam de agris et pecoribus, fundum quoque vinearum cum decimis earum, villam que dicitur Lodeburg cum censu et decimis et cum omni servitio, quod episcopo exinde debebatur, ipsiusque ville ecclesiam cum reliquis prefate ville appendiciis, alias etiam villas tres, Niendhorp, Gowene, Lochowe, et eius ecclesias cum censu et decimis earumque pertinentiis; preterea villam que Cassarve* dicitur cum censu et decimis et suis appenditiis, scilicet quadam curia que Colebik dicitur et villulam Vzekestorp, que in terminis Cicerwe continentur, duas quoque partes decime de iiiior villis Cidemic, Ekholt1, Siliz, Predele, totamque decimam in villa Crusowe, quam marchio Albertus in usu suo aliquamdiu habitam consensu filiorum suorum per manum episcopalem eidem ecclesie conferri obtinuit; mansum unum in villa Slautiz et wozoph eiusdem ville Slautiz; duas etiam partes decime villarum Clutzowe et Brizin cum silva que Brudene dicitur, et Mosbruke, que per manum episcopi Wilmari in concambio pro Gottowe prefate ecclesie date sunt; villam quoque Dulgeziz, que nunc Gloina nominatur, cum silvis, pratis, pascuis, molendinis, aquis aquarumque decursibus, cultis et incultis, cum tota decima et reliquis suis appenditiis; mansum unum in villa que Welle dicitur solventem viii solidos; sex mansos in villa Mulinge, quos dominus Gerbertus et uxor eius, pie memorie Berchta consensu heredum suorum iam dicte ecclesie contulerunt. Sciendum etiam, quod fratres ecclesie ipsius bona quedam prefati Gerberti petitione coniugis sue Berchte et consilio nobilium et ministerialium nostrorum per concambium de manu nostra susceperunt, curiam videlicet in villa Liezke4 prope ecclesiam sitam, vineam et predium eidem curie contiguum cum omnibus suis appendiciis, pratis pascuis, aquis aquarumque decursibus; duos quoque mansos et dimidium in villa Zebeker, pro quibus tertiam partem decime frugum de duabus villis Meterne et Slautiz et wozop de viginti mansis Slautiz nobis
Otto von Heinemann (Hrsg.): Codex diplomaticus Anhaltinus. Erster Theil. Dritte Abtheilung., Dessau 1873, Seite 480. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_1-3_480.jpg&oldid=- (Version vom 28.5.2017)
