Zum Inhalt springen

Seite:Briefwechsel Hildebrand Veckinchusen 291.jpg

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen

aldus vorleyze gy hir ane 1 ℔ grote. Et hedde beter west, dat gy 1 ℔ grote darane wunnen hedden. Seker, Hildebrant, ik en konde des nicht gebeteren, dat et weder overghink.

Item so sande my her Hinrik Rapesulver in den hilghen daghen[1] boden unde bat my dat ik to Margreten ghinghe unde seggen er, dat se eme dat ghelt gheve, wante he moste dat hebben unde en mochtes nicht lengher beden. Ik ghink to er unde sprak se. Do wart ik des mit er ens, dat se selven to eme ghinghe, unde dat seghede ik eme weder. Dat was eme wol to willen, doch alse my Margret secht hevet, so wolde he noch gerne 5 off 6 daghe beden, dan so moste he dat ghelt hebben. Item, Hildebrant, so wetet dat Evert Moelke ok gram is ume des willen, dat gy eme nicht wat redes gheldes ghegeven en hebben, unde alse my dunket, so en wellen eme Hermen Platenslegher unde Bertram Ronneberch nein ghelt seggen to ghevene. Seker, Hildebrant, ik en wet, wat ik hirto seggen sal unde en wet ju nicht mer to scrivene dan blivet ghesunt. Ghescreven op sunte Ambrosius avent anno 21.

Tijdeman Brekelvelde.

Item, Hildebrant, ik en hebbe enen ₰ nicht entfanghen van den sydenwerkerschen, sint dat gy van hir reden, noch 1 vaden syden nicht vorkofft sind der tijt. Also helpe my Got.


265. Hildebrand Hoieman in Lübeck an Hildebrand Veckinchusen in Brügge. – 1421 April 4.

Rev.St.-A. Orig. Adr.: Dem erbaren manne Hildebrant Veckynchusen to Bruegge littera detur.

Minen willegen denst to allen tyden. Hildebrant Veckinchuesen, guede vrunt, wetet, dat ik van juwen broder rhede to Frankfurt up den guden myddeweke in der vasten[2] unde her waz wol gesunt, Got hebbe dank unde ik quam to Lubeke up suente Ambrosyus avent[3] unde wy synt alle wol gesund, God dank.

Item wetet, dat juwe waz vorkofft wart to Frankfurt unde et wart gegheven to 15 off 15½ gulden dat 100, ik en waz dar nicht by; myn juencher bevol my dat et jue schriven solde, men et is my vorgeten, off et 15 off 15½ gulden waz, ik en wet jue nue wat mer to schriven, men bedet over my. Ik wil des besten gerne ramen.

Item wetet, dat Reymer Loskinge starff to Frankfurt. Hirmede spare jue Got gesunt to langer tyd. Geschreven up sunte Ambrosyus dach anno 21.

Hildebrant Hoyeman Lubeke.


266. Sivert Veckinchusen in Köln an Hildebrand Veckinchusen in Brügge. – 1421 April 11.

Rev. St.-A. Orig. Adr.: An Hyldebrand Veckynchusen to Bruegge, littera detur.

Wetet, leyve broder, dat ic ju bydde, dat gy my eyn cleyn stuecke van

  1. ↑ Hier wohl auf das Osterfest (1421, 23. März) zu beziehen.
  2. ↑ 19. März.[WS 1]
  3. ↑ 3. April.[WS 2]

Anmerkungen (Wikisource)

  1. ↑ Vorlage: im Text Ziffer 1) statt 2)
  2. ↑ Vorlage: April. außerdem im Text Ziffer 2) statt 3)
Empfohlene Zitierweise:
Briefwechsel Hildebrand Veckinchusen. Leipzig: S. Hirzel, 1921, Seite 168. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_291.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_291.jpg&oldid=3224643“