Seite:Briefwechsel Hildebrand Veckinchusen 272.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

vorsein woy dey scichtinge und scedinghe geschein sy tuschen ju broders. Hirup so wetet, dat wy hebben gewest by des stades bocke unde hebben dar laten vorsein und lesen, dar en vinde wy nicht inne van enygher scichtinghe ofte schedingen dey tusschen ju broders gevallen sint. Hirumme en wete wy ju hir anders gein bescheit van to scriven. Vortmer alse gy uns gescreven hebben, dat wy met juwer vrouwen spreken solden na inholdene juwes breives alse als van der rekenschop dey gy er gescreven hebben und van juwen groten schaden, den gy genomen hebben, dat hebbe wy er al clarliken to kennen gegeven. Alse uns dunket, so en keret sey sik dar nicht met alle aen an al, dat gy uns gescreven hebben. Vortmer so en hebbe ic Cort Vysch met Everde Snoyen wol gesproken, ofte ju vrouwe sik anders ycht bewysen wolde by erer dochter juwen wyve. Darup hey my antworde und segede weret sake, dat juwe wyff ere dochter hir int land wolde comen met eme kinde, dar wolde sey gerne dat beste by doen na vrunde rade dat moghelic were, dat hedde sey eme wol to kenen gegeven. Hirinne moge ju beste proven wes ju nu^ette is, dyt hevet my Evert Snoye wol gesecht, dat hey et ju in anderen tiden ok wol gescreven hevet. Anders en wete wy ju nicht to scrivende op dese tid. Vart wol in Gode und grotet alle vrunt sere. Gescreven in Ryghe des dinzedages na des hilligen lichaemsdaghe anno 20.

Cort Vysch und Everd Snoye.

248. Hildebrand Veckinchusen in Brügge an seine Frau Margarethe in Lübeck. – 1420 Juni 23.

Rev. St.-A. Orig. mit kleinem rothen aufgedrückten Petschaft, das die Handelsmarke H. V. deutlich erkennen läßt. Adr.: An Margreten Veckinchusen to Lubeke

lyttera detur.

Item Greteke wyf so wete, dat ick dy sende in 2 bussen, dey dy to Lubeke sal antworden Clouwes Vrolinch; dey slotel sende ick dy by Fyttelken den loper. Hir es inne 38 langhe snore karallen unde 5 korte snore. Desse weghen 35 marc 5½ unsse troyssche wychte; dyt es dey snodeste sorte. Item so es hir noch inne 24 lange snore unde 4 korte snore unde 32 teken; desse weghen tohope 16 marc troysch myn ½ unsse. Aldus so weghen dey karallen tohope 41 marc 5 unse troyssche wychte.

Item so hevet Hoyman in handen 48 snore karallen, woyghen 22 marc 3 unsse unde 16 snore, dey woyghen 6 marc 5 unsse 5 einghels troysch. Dey sorte wog tohope 29 marc 5 einghelsche troyssche wychte. Ick hope Hoyman hebbe sey vorkoft, sint sey nicht vorkoft, so ramme noch des besten myt emen.

Item so hadde Fylypus ofte myn broder 3½ snor, woyghen 11½ unsse.

Item dey karalen, dey Steven kofte, myt den karallen stonden alle desse karallen 71 ℔ 13 sl. 3 gr. Dat maket in Lubeschen ghelde 500 marc 24 sl. Lub. unde sey woyghen hir 52 punt; elk punt stont 9 gulden crone, 16 unsse vor dat punt gherekent. Weret Godes wylle, hir solde wol noch mer dan 500 marc van komen.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 149. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_272.jpg&oldid=- (Version vom 31.7.2018)