Zum Inhalt springen

Seite:Briefwechsel Hildebrand Veckinchusen 268.jpg

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.
Wilhelm Stieda (Hrsg.): Briefwechsel Hildebrand Veckinchusen

den alluen hebbe ik vorkoft unde Kortman alluen op pingesten[1] unde op sunte Johannes dach[2] to betalen. Ik nemet gelt wol en dels op Domenicke[3]; de kopenschop wel nicht mer dogen, wante aller wegen geyt et dem kopmanne untjegen.

Item so screff ik jue lesten, ik wolde jue to Lubeke wart was gesant hebben op de Aresche, ik konde nicht krygen, wante de Lyfflandeschen schepe quemen nue erst op unses heren hemmelvart dach[4]. Ik wel jue, ofte Got wel, darhen senden, so ik meste hebben kan, dar rychtet jue na. Vortmer so hevet my Clawes Swarte nue betalt 14 dage vor pingesten[5] de 20 ℔ grote op 27½ mark na, he meynt, he welle se my ok in kort untrychten.

Ik wet nu neyne tydinge to scryven van kopenscop ut Vlanderen hir to senden, dar bate an sy, dat ik wet noch ter tyt. Gertbergesche laken gelden hir 9 mark myn 1 frd. dat stuecke, Alstedesche 8 mark myn 1½ frd., Oldenardesche 8 mark myn 1 frd., Konditsche 5 mark myn 1 frd., Leydesche, Amsterdammesche 14 mark, myddel Buesche 7½ mark, smale Buesche 6 mark, hele Edingesche 11½ mark nicht gerne, Mestensche 10 mark nicht gerne. Anders nicht den Got sy myt jue. Gescreven 8 dage vor pingesten.

Gerwin Marschede.

Item Hildebrant, gude vruent, ik sende jue in Wolter Berndessone 2 stro wasses, darinne 3 stuecke, des wel ik jue ok 2 stro to Lubeke wart senden. Desse 4 stro wegen boven 5 scheppunt, dat scheppunt stet erstes kopes 34½ mark. Ik meyne jue noch mer to Lubeke wart to senden. Ik solde jue wol vele mer scryven, ik bin myt mynen vrenden alzo vol vrouede, dat ik et unsem heren Gode clagen mach.


244. Gerwin Marschede in Danzig an Hildebrand Veckinchusen, Engelbrecht Veckinchusen und Johannes Marschede in Brügge. – 1420 Mai 21.

Rev. St.-A. Orig. Adr.: An Hildebrand Veckinchuesen unde Engelbrecht Veckinchuesen unde Hannes Marschede to Bruegge littera detur. In dorso von der Hand Hildebrand Veckinchusens: anno 20 jar, 17 in junyo. To Unkosten 28 marc 4 scot. Item so komet op dey Prusche reysse 20 ℔ 11 sl. 7 gr. unde op dey Lyfflansche reysse komet 6 ℔ gr. Von der bate 30 marc Ryghes hevet wy; elk ℔ gr. es gherekent vor 5 marc Ryghes. Darvorn solen sey tovorn in afslaen wat utgheleghet, dat sla hey of. Item so solle wy Gherwin Marsschede in Prusen wedder schaffen sin 28 marc 4 scot ofte 3 ℔ 10 sl. darvorn geven. So sal hey uns dan gheven dey bate van den solte. Hevet Fylypus dan wol unde recht ghedan, dat sal syk dan wol vinden myt synen tenden pennynge. Hirto so sal to bate komen ut Lyflande van her Hildebrant van den Bokelle unde Gherwin van der Klus, van elkem 1 ℔ gr. unde van Einghelbracht ok 1 ℔ gr. unde van Hildebrant 1 ℔ gr. Darto 3 sl. van Tomas.

  1. ↑ 26. Mai.
  2. ↑ 24. Juni.
  3. ↑ 4. Aug.
  4. ↑ 16. Mai.
  5. ↑ 12. Mai.
Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 145. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_268.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_268.jpg&oldid=3224620“