Seite:Briefwechsel Hildebrand Veckinchusen 260.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

236. Reynold Swarte aus Köln an Hildebrand Veckinchusen in Brügge. – 1420 März 18.

Rev. St.-A. Orig. Pap. Adr.: An Hyldebrand Vockinchusen to Brugge littera detur.

Vruntlike grote vorghescreven und wes ich gudes vermach, wetet Hilbrand om, dat ich Andres Creinych von Su^etvelde wol betald hebbe als 400 gulden Overlandesch na utwysinge juwes breves und ich sende ju den bref, den gy em besegelt hadden hirin. Item so gaf ich op dey 400 gullykes gulden als 12 gulden. Item so heved myn om Syverd und ich juwen bref, dey gescreven was des mandages vor halfvasten^[1] wol verstan und den wesselbref spreken op Reynold Walen, dar welle wy dat beste by doen. Item so en wellen dey vygen hir nycht van der hand und heddend van den anderen vygen gewest, so wern sey lange vorkoft. Wy geven sey gerne guden kop, er en wel nemend, wy hebben er gesand to Mense und to Kobelens ward; wo et dar mede gan wel, des en weet ich nycht. Wy hebben er hir noch wol 30 korve, er en begerd nemand und wy wellen gerne dat beste darby doen. Item so hebbe wy willen morgen optovarn to Vrancforde; God geve beholden reyse. Valete in Christo semper. Gescreven des mandages na mydvasten anno 20 jar.

Reynolt Swarte van Collen.

Item so hebbe ich ju beyde wesselebreve gesand, dey ich van juwer wegen gelost hedde.

237. Hildebrand Veckinchusen in Brügge an seine Frau Margarethe in Lübeck. – 1420 März 21.

Rev. St.-A. Orig. mit den Spuren des rothen Secrets. Adr.: An Margreten Veckinchusen to Lubeke lyttera detur.

Greteke wyf, so wete, dat ick dy sante in Lambrecht Vrolinghes tunne 2 bussen, dey solde dy antworden Clauwes Vrolinch; dey slotel sante ick dy by Vytelken den loper. In er bussen was 38 snore, dey sin lanck unde 5 korte snore; desse woyghen al 25 marc troys unde 5½ unsse. Item so was in der anderen bussen 24 lange snore unde 4 korte snore unde 32 teken; desse woyghen to hope 16 marc troysch myn ½ unsse.

Item so stonden dey karallen, dey van Ossenbrugge der quemen unde dey Steven byder Wesselle hadde unde dey karallen, dey Fylypus ofte Syvert hadde, dey stonden al to hope 71 ℔ 13 gr. Elk ℔ gherekent op 7 marc, dus so stonden desse karallen 500 marc Lub. 24 sl. gr.

Item so was der karallen dey van Ossenbrugge quemen 48 snore, dey woyghen 22 marc 3 unsse troysch. Item darnest 16 snore woyghen 6 marc 5 unsse 5 einghels. Item so was der karallen 3½ snor, dey Fylypus hadde unde woyghen 11½ unsse. Dyt es dey rekenschop van den karallen. Item so lat Hoyman ofte myn broder desse karallen vorkopen ofte men kan, dat

↑ 11. März.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 137. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_260.jpg&oldid=- (Version vom 31.7.2018)

[1] 11. März.

[1]