|
Wilhelm Stieda (Hrsg.): Briefwechsel Hildebrand Veckinchusen |
|
|
Int jar Christi 1400 in dem 18 jar op den gueden donerdach[1], do gaff ik int erste vor jue ut van der vorgescrevenen summa geldes Hinryk von dem Holte vor 20 ℔ gr., de myn broder unde Engelbrecht to Bruegge hadden to juewer behoff opgenomen, summa 170 mark. 4 dage na paschen[2] gaf ik Johan Schelewende vor 30 ℔ gr., de myn broder unde Engelbrecht Veckinchuesen ok to Bruegge opgenomen hadden to juewer behouff 255 mark. Op desse selve tyt sante ik jue in schipper Clawes Worme 1 tunne botteren, de was komen ut Wolter van Essen, de stont to ungelde 3 schill. Noch sante ik jue in Worme 1 stuecke wasses, dat wouech 33½ lyspunt myn 2 markpunt, dat scheppunt stont myt allen ungelde myt int schip 47 mark. Op desse selve tyt sante ik jue in schepper Stalborge 1 stuecke wasses, dat wouech 35 lyspunt, dat scheppunt stont 57 mark. Summa van dessen beyden stuecke wasses unde myt den dren schill. van der botter, es tosamen 160½ mark 14½ schill. Noch in Stalberge in Hannes stro von der Borch ½ schippunt Lemborgesch wasses, dat stont ungelde 22½ mark 11 schill. De summa es hirvan, dat ik jue hir gesant unde utgegeven hebbe, es 608 mark unde 6 ₰.
Darnest des vrydages vor meydage[3] do sante ik jue to Lubeke wart in schipper Bernt van Pargam 3 stuecke wasses unde in schipper Hanneken Detmer 3 stro, dar weren inne 7 stuecke wasses. Dyt was wouech tosamen 9 schippunt unde 1 markpunt; elk scheppunt stont erstes kopes 45 mark unde 9 scot mer op den hop. Dyt was stont to allen ungelde wegen dregen to beryven to scheppen to puenttolle 4 mark myn 4 scot, de summa es hirvan 409 mark unde 20½ schill. Noch sante ik jue by Bernt van Pargamen 1 stuecke suelvers, wouech 16½ mark 2 scot lodych, de mark stont 6½ mark 1 scot, summa 108½ mark. Noch by Bernde 9 nobel, dat stuecke stont 3 mark 15½ schill., unde 4 guelden, stonden 4½ mark. Aldues so es de summa, de ik jue op desse tyt to Lubeke wart sante, 551½ mark 4 scot. Op desse selve tyt sante ik jue to Flanderen wart in Wydenbruegge in mynes broder tunne 2500 3 timmer werkes; dat 1000 stont erstes kopes 40 marc; de tunne stont 4 scot to persen, dregen 7 schill., to puntgelde ½ mark, summa hirvan es 105 mark 14 scot.
Darnest 10 dage na pingesten[4] sante ik jue in Jakop Olyesleger 1 stro was, dar war was inne 6 stuecke wasses, dey wouegen 1½ scheppunt 11 markpunt, de stonden myt allen ungelde myt int schep 68½ mark unde 13 schil. Noch in dessen selven schepe 4½ tunnen botter, de stont myt allen ungelde 23 mark myn 1 frd. Op desse selve tyt gaff ik Johan Ronen, dat gi van eme to Bruegge untfangen, vor 12 ℔ gr. 100 mark unde 12 scot. Op desse selve tyt dede ik hir Herman van der Beke 53 mark 8 scot; darvor gaff he Tydeman Brekelvelde 40 mark Lub. Dyt gelt horde juewen broder Syverde halff und jue halff, summa to juewen dele 26½ mark 4 scot.
10 dage vor sunte Johannes dage[5] sante ik jue to Flandern wart in schipper Bocke 1 tunne, dar hadde gy inne 11 tymmer werkes, elk tymmer
: Briefwechsel Hildebrand Veckinchusen. Leipzig: S. Hirzel, 1921, Seite 132. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_255.jpg&oldid=- (Version vom 31.7.2018)
