|
Wilhelm Stieda (Hrsg.): Briefwechsel Hildebrand Veckinchusen |
|
|
Darnest des anderen dages na unser leven vrouwen worcewyunge[1] untfenk ut Wolter Bysschoppe 3 Lirsche laken unde ut mynes broders terlinge 2 laken, weren geschoren, desse 5 laken stonden to ungelde 1 frd. Vorkoft 2 laken, de hedden lank 79 elen myn 1 quartyr, de ele vor 11½ scot, summa 38 mark 5½ scot myn. Noch vorkoft 3 Lirsche laken vor 110 mark 1 frd. Noch vorkoft 4½ ele grones laken vor 1½ mark 4 scot. Summa van dessen 6 stuecken es 149 mark 10½ scot.
Darnest 3 weken vor sunte Mychgele[2] untfenk ik ut Jakop Oliesleger 10 vate myt vigen, de stonden to palgelt, puntgelt 17 scot 10 ₰, to bordinge 14 scot, optoschepen 1 mark, to kellerhuer 4½ frd., summa 3 mark 10 scot 10 ₰. Hirut vorkoft 60 korve vigen, elken korff vor 11½ frd., hirto wart my noch avegeslagen an 5 korven, de weren cleine 2 mark, summa blyvendes van den vigen 167 mark 2 scot myn 10 ₰. Aldues so es de summa in al dat ik dyt jar untfangen hebbe van juewer wegen 1710 mark unde 17 ₰.
Int jar Christi 1400 int 19 jar, 3½ weken na paschen[3], do untfenk ik van Hinryk Slechter 81 mark, de gi to Bruegge betalden Goschalk Krouwel.
Darnest 2 dage na sunte Bartolomewes dage[4] do untfenk ik ut schepper Winckelmanne 2 terlinge unde ut schipper Ratert 1 terlink unde ut schipper Jugemer 2 terlinge. Desse 5 terlinge stan to puntgelde, palgelt unde to vracht optoscheppen 6 mark 20 scot; vor 1 terlink to stryken 4 scot, to kellerhuer 1½ mark, summa es 8½ mark. Hirut vorkoft int erste 54 Komesche off Bellerde genomet, elk stuecke vor 7 mark myn 1 frd., noch 25 Alstedesche, dat par vor 16 mark 1 frd.; noch 24 Bueesche, dat par vor 16 mark myn 1 frd.; noch 1 gra slachdoek, helt 23 elen vor 10 mark 13 schot. Noch vorkoft ut 1 terlinge 20 stuecke kruempen unde geschoren Muenstrolesche, de helden lank 445½ ele; som ele golt ½ mark, som 11½ scot, som ele 11 scot, ok en del 10 scot, de summa es tosamen gerekent van dessen 20 stuecken, dat darvor geworden es, summa 200 mark 9 frd. 11½ schill. Item de 8½ mark to ungelde sla ik ave, so es de summa blivendes von dessen 5 terlingen 961 mark unde 6½ schill. Aldus so es de summa in al dat ik dyt jar van juewer wegen untfangen hebbe 1042 mark unde 6½ schill. Aldus so es de summa in al dat ik untfangen hebbe van juewer wegen, sedder dat ik jue rekenschop screff, myt den 746½ mark unde 40 ₰, de ik jue do schueldych bleff, 3805 mark 9½ scot 7 ₰.
Vortmer so wetet, leve Hildebrant, dat my noch van dessen gelde utestet by 1 manne, alzo vor 2 kruempen unde schoren, de in mynes broder terlinge weren unde vor 1 Lirsch laken 74 mark 1½ scot unde noch 12 mark vor ½ Leydysch bruen van der ander wolle; unde van den gekruempen unde geschoren stet my noch ute wol 5 stuecke, dat koftet my Krakouewer ave unde loveden my dat gelt in 14 dagen to senden; des es wol 14 weken, noch hebbe ik myn gelt nicht.
Vortmer so wetet, dat ik ok bedrogen wart myt 1 queaden nobel, de krech ik vor 1 roet Ypersch, de stet 10½ frd.
: Briefwechsel Hildebrand Veckinchusen. Leipzig: S. Hirzel, 1921, Seite 131. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_254.jpg&oldid=- (Version vom 31.7.2018)
