Seite:Briefwechsel Hildebrand Veckinchusen 213.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Wilhelm Stieda (Hrsg.): Briefwechsel Hildebrand Veckinchusen

Broder gevet Herman Schyphere 300 gulden, vor elken gulden 15 sl. 4 ₰, 14 dage na dessen breyve sunder al togerynge op dat neyn schade mer op kome unde ic hedde noch gernen 400 gulden opnomen, ic kundes nicht bekomen. Grotet al vrunt. Ghescreven des vridages na unser leyven vrowen dage nativitatis anno 18 jar. Hey heft 2 wessel breyve.

Zyverd Veckynchusen.

Dyt es dey ander breyf.

189. Sivert Veckinchusen aus Köln an seinen Bruder Hildebrand Veckinchusen in Lübeck. – 1418 Octbr. 6.

Rev. St.-A. Orig. Pap. Adr.: An Hyldebrand Veckynchusen to Lubeke, littera detur.

Broderlyke leyve vorscreven wetet, dat ic ju van Francvord al rekenschop screven hebbe unde ic bydde ju, dat gy my gelt eder was senden an dat gelt, dat ic vor ju utgeven hebbe unde van ju tachter sy unde des nicht en latet also vere also ic ummer mer icht mer doen sal, dat ju leyf es, wand myn dync es also ghelegen, dat ic des nicht unberen mach al wat dat kostet, darumme denket dar nicht met alle weder unde seyt ok, dat gy alle wessele to Lubeke to dancke betalen van den 300 gulden unde ok Herman Syrenberge, dat ic dar neyn undanc van hebben dorve, dar bydde ic ju umme. Unde ic wel, ef Got wel, myn 2 eldesten dochter to Lubeke senden met den 2 vrowen unde dey solen rechtvord met Ryxzen to kloster unde ic were ok gerne to Lubeke, kunde ic myn schult hyr wol utrychten, darumme schicket my dat gelt eder was; vor werke steyt hyr nicht wol gelt to krygen. Grotet myn suster unde juwen kyndere unde al vrunt. Ghescreven 6 dage na sunte Mychele anno 18 jar.

Zyverd Veckynchusen, Kolnne.

Item juwen breyf ghescreven 10 dage vor sunte Mychele^[1] hebbe ic nu eyrst wol vornomen unde woe ic ju dync to Francvord utrychtet, hebbe ic ju von Francvord wol screven, hyr nu moge gy ju rychten unde sumet nicht mede.

190. Sivert Veckinchusen aus Köln an seinen Bruder Hildebrand Veckinchusen in Lübeck. – 1418 Octbr. 20.

Rev. St.-A. Orig. Pap. Adr.: An Hyldebrand Veckynchusen to Lubeke littera detur.

Broderlyke leyve vorscreven, wetet, dat ic ju unde myner suster myn 2 dochter sende in den namen Godes unde Got geve, dat et to eyner guden tyt syn mote. Unde ic bydde ju unde myn suster, dat gy des besten darby

ramen unde sey unser vedderken Ryxzen bevolen unde rechtvord na 8 dagen

↑ 18. Septbr.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 213. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_213.jpg&oldid=- (Version vom 31.7.2018)

[1] 18. Septbr.

[1]