|
Wilhelm Stieda (Hrsg.): Briefwechsel Hildebrand Veckinchusen |
|
|
to puntgelde 1 mark, summa des ungeldes es 3 mark 9 scot 1 sl. Summa in al van dessen kopper myt int schep 200 mark 9 scot 1 sl.
Darnest 8 dage na meydage[1] sante ik jue to Lubeke wart in schipper Hinryk Terentine 2 stro, dat weren inne 11 stuecke wasses, de wouegen 2 scheppunt 5½ lyspunt unde 2 markpunt, dat scheppunt stont erstes kopes 51½ mark. Item ungelde alzo wegen, dregen, to beryven, to schepe to varen, to puntgelde, summa 20 schot. Summa hirvan es 118 mark 5½ scot.
Darnest 12 dage na meydage[2] sante ik jue noch tu Lukbeke wart in schepper Johan Snider unde in schepper Bertolt Hovener in elken 1 stro wasses; in beyden stro was 14 stuecke wasses, de wouegen 3 scheppunt 6½ lyspunt unde 1 markpunt. Dat scheppunt stont 51½ mark erstes kopes. Summa van dessen beyden stuecke wasses myt ungelde myt int schep 172 mark unde 9 schot. unde 13 ₰.
Op dessen selve tyt sante ik jue noch in dessen selven Johan Snider 1 stuecke wasses, dat wouech 38½ lyspunt my 2 markpunt; dat scheppunt stont erstes kopes 51½ mark, summa van dessen stuecke myt int schep 99 mark 14 scot myn 5 ₰. Item noch sante ik jue in dessen selven Johan Snider op desse selve tyt in Snyder kysten 2 stuecke suelvers, dey wouegen 9 mark 17 schot lodych myn 1 quart. De mark stont erstes kopes 6½ mark myn 1 frd.; summa hirvan to gelde es tosamen 62 mark 10½ scot.
Summa hir van dessen 3 schipperen to Lubeke wart es 452 mark 15 scot myn 8 ₰.
Item darnest 3 weken na pingesten[3] do sante ik jue noch to Lubeke wart in schipper Helmych Lantmanne by Gert Beseler unde by Johannes Stangen 7 stuecke suelvers, de wouegen 30 mark lodych; de mark stont erstes kopes 6½ mark, to wegen unde to ungelde twy tor Muende to varen ½ frd., summa hirvan tosamen gerekent es 195 mark ½ frd.
Item 9 dage vor sunte Jakoppe[4] sante ik jue noch to Lubeke wart by schipper Hinryk Terentine 1 stueck sulvers, dat wouech 11½ mark 1½ scot lodych. De mark stont 6½ mark. Summa hirvan 75 mark 9 sl. Summa von dessen beyden schipperen es tosamen 270 mark 1 frd. 1½ sl.
Darnest 4 weken na pingesten[5] sante ik jue in schipper Clawes Worme to Flanderen wart 1 tunne darinne 7000 lantwerkes; elk 1000 stont 38 mark. De tunne stont 1 mark, to perssende, to dregen 8 sl., to puntgelde 3 frd. 1 sl. myt schepe to voren. Summa in al van desser tunnen myt int schep 230 mark myn 6 sl.
Op desse selve tyt sante ik jue in schipper Cleys Bruen in Evert Soltruempes tunne 11 timmer hermelen; elk timmer stont 4 mark 1 frd.; noch 21 timmer gancwerkes, elk tymmer stont 7 frd.; noch 2 timmer schones werkes, de stonden beyde 7 mark, to ungelde hirop 1 frd. Summa hirvan es tosamen gerekent es 90 mark 3 frd.
To der selven tyt sante ik jue noch to Flanderen wart in Tydeman Wyer 1 stuecke wasses, dat wouech 31 lyspunt 4 markpunt. Dat scheppunt stont 51 mark, to allen ungelde ½ mark, summa in gelde 80 mark 11 sl. Noch
: Briefwechsel Hildebrand Veckinchusen. Leipzig: S. Hirzel, 1921, Seite 14. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_201.jpg&oldid=- (Version vom 31.7.2018)
