|
Wilhelm Stieda (Hrsg.): Briefwechsel Hildebrand Veckinchusen |
|
|
2 mark myn 1 sl. Summa van desser tunne es myt int schep 419 mark 21 scot myn 9 ₰. Noch sante ik jue to Lubeke wart in Clawes Groven 1 tavel, de stont 5 mark 9 sl. unde 4 ₰ myt int schep. Item so gaff ik schipper Hinryk Bouecholte to vrucht vor 200 groves soltes 18 mark 4 scot, to winnegelde 18 sl., to puntgelde 32 sl., summa es 19 mark. Dyt solt schepede ik vort to Revel wart, alzo gi mi screven.
Aldues so es de summa in al dat ik dyt jar vor jue utgegeven hebbe unde gesant hebbe 2592 mark unde 1 sl.
Int jar Christi 1400 in dem 17 jar 8 dage vor unser leven vrouewen lychtmisse[1], do gaff ik Clawes Yxkuelen 60 Engelsche nobelen, elk nobel stont 3 mark 8 scot unde 12 sl. mer op den hop. Desse nobelen hadde opgenomen Engelbrecht Veckinchuesen to Dorpte to juewer behoueff, de summa es 200 mark unde 12 sl.
Darnest des vrydages vor vastelavende[2] gaff ik Kort Elhorne vor 30 ℔ gr., vor elk ℔ gr. 9½ mark, dat gy selven to Bruegge opgenomen hadden, summa es hirvan 285 mark.
Op desse selve tyt gaff ik my selven vor 10 ℔ gr., vor elk ℔ gr. 9½ mark. Dysse 10 ℔ gr. hadde gi ok opgenomen van mynen broder, summa 45 mark.
Darnest op palmen[3] sante ik jue to Lubeke wart in schepper Ludeken Detmer 2 stro, dar weren inne 13 stuecke wasses, dey wouegen 3 scheppunt 2 lyspunt myn 3 markpunt. Dat scheppunt stont erstes kopes 50½ mark, to ungelde 13 scot, summa es hirvan 156½ mark 5½ sl. Item noch in Albrecht van Borken to Flanderen wart to desser selven tyt 1 stro, dar weren inne 8 stuecke wasses, de wouegen 1½ scheppunt; dat scheppunt stont 51½ mark, ½ mark to ungelde, summa 67 mark 3 frd.; noch in dessen selven Albrechte van Borken 2 stro, dar weren inne 15 stuecke wasses, de wouegen 2½ scheppunt 1½ lyspunt 1 markpunt. Dat scheppunt stont 52 mark myn 8 scot to ungelde myt int schep 20 scot, summa es 134 mark 2 sl. Summa es van dessen dren stro wasses in dessen Albrechte 211 mark 3 frd. unde 2 sl.
Item op desse selve tyt in schypper Albrecht Ludekenssone sante ik jue 1 stuecke wasses, dat wouech 27½ lyspunt myn 2 markpunt; dat scheppunt stont 52 mark, to ungelde 31 sl., summa hirvan es 71 mark 42 sl. Item noch in dessen selven Albrecht Ludekenssone sante ik jue in mynes broder tunne 2000 Lettouewessches werkes, dat 1000 stont erstes kopes 47½ mark; de tunne stont myt ungelde, alzo puntgelt, uttoschepen, perssen 26 scot. Noch was in desser tunne 1 stuecken suelvers wouech 7 mark 1 schot lodych, de mark stont 6 mark 10½ scot. Summa van desser tunnen es myt allen ungelde 141 mark 10 scot. Summa in al dat ik jue sante in dessem Albrechte es 213 mark 8 sl.
Op desse selve tyt sante ik jue to Luenden wart in schipper Hanneken Troste 12 tunnen 1 mese, darinne 50 sentener lebenter kopper, de sentener stont erstes kopes 4 mark, to wegen, dregen, kellerhuer op elken sentener 1 sl., de tunnen stonden 36 sl. to toslan, to schepen op elken sentener 1 sl.,
: Briefwechsel Hildebrand Veckinchusen. Leipzig: S. Hirzel, 1921, Seite 13. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_200.jpg&oldid=- (Version vom 31.7.2018)
